MJEZYNARODNY FESTIWAL KOMORNEJE HUDŹBY
Klasika w zymje
je mjezynarodny festiwal komorneje hudźby w Budyšinje, kotryž komornu hudźbu, literaturu a zetkanki z kulturu zwjazuje.
W srjedźišću stejitej hudźba a jeje zwisk z ludźimi, městnami a stawizničkami, kotrež su jeje wutk.
Huslerka Franziska Pietsch bě Klasiku w zymje lěta 2024 załožiła. Wot prěnjeho zarjadowanja sem je Serbski muzej Budyšin z jeho hosćićelku. Mjeztym je Klasika w zymje synonym za rezonancu a zetkawanki: Komorna hudźba a literatura so do čiłeho dialoga podawatej, rozdźělne kultury a perspektiwy so zetkawaja – a hudźba stawa so z nazhonjenjom, kotrež koncertnu žurlu přesahuje.
Wjeselimy so, zo wot lěta 2026 dalša wosoba festiwal sobu nawjeduje: komponistka Tatjana Komarowa. Zhromadnje z Franzisku Pietsch wona přichod Klasiki w zymje sobu wuhotuje a sej z tym swoju perspektiwu jako wuměłča rozšěrja.
Splećenje němskeje a serbskeje kultury je wosebitosć, kotraž słuša runje tak k identiće festiwala kaž zhladowanje za mjezy regiona. Mjezynarodne wuměłče a wuměłcy zeznaja z Budyšinom město, kotrehož kulturne stawizny postajeja dwě rěči a tradicije dweju ludow.
wjednicy festiwala
Klasika w zymje 2027
Zwuki budźa identitu
Bach, Beethoven, Brahms w dialogu z wuchodnej Europu
29. do 31. januara 2027
Serbski muzej a Muzej Budyšin
Štyri koncerty – štyri zetkanki
Klasika w zymje lěta 2027 měri swoje wóčko do wuchodneje Europy a staja zwisk mjez hudźbu, pochadom a identitu do srjedźišća. Koncerty wotměja so w Serbskim muzeju a prěni raz tež w Muzeju Budyšin.
Nowe zhromadne dźěło z hudźbnej šulu wokrjesa Budyšina festiwal wo perspektiwu za młodych hudźbnikow a młode hudźbnicy z regiona rozšěri.
WŠĚ INFORMACIJE
WRÓĆOHLAD
Finančna podpěra za towarstwo Klassikunst z. t.
Organizacija a přewjedźenje festiwala Winterklassik je z wulkimi wudawkami zwjazany. Je-li so Wam tutón projekt spodoba a Wy chceće jón podpěrać, bychmy Wam za to jara dźakowni byli za finančnu podpěru na deleka mjenowany konto.
