Irena Yebuah Tiran
Mezzosopran

Mezzosopranistka Irena Yebuah Tiran absolwowaše swój studij z wuznamjenjenjom na Salzburgskim Mozarteumje w rjadowni prof. Ingrid Mayr a zakónči swój postgraduěrowany studij w rjadowni prof. Wolfganga Holzmaira. Nětko dźěła prawidłownje z prof. Snežanu Brzakovićom hromadźe. Wona debitowaše na operje Ljubljany, spěwaše pak tež z orchestrom Słowjenskeje filharmonije, rozhłosowym symfoniskim orchestrom Slovenija, orchestrom Bayerskeho rozhłosa, ansamblom Rešeršu a ansamblom Zynkowy forum. Jako čłonka wokalneho ansambla Nova na Vienna wustupowaše na Salzburgskich swjedźenskich hrach, Bregenzskich swjedźenskich hrach, Styriarte a Wien Modern. Wona wustupi tež w Beriowej sinfoniji za 8 solistow a orchestra z Wienskimi filharmonikarjemi kaž tež w prapremjerje Haasoweje opery Melancholia na Pariskej narodnej operje.

Wona wěnuje so bóle načasnej hudźbje a wobdźěleše so na mnohich prapremjerach słowjenskich kaž tež druhich komponistow (Furrer, Haas, Lang, Gruber, Muetter). Irena je tež čłonka Słowjenskeho komornohudźbneho dźiwadła, z kotrymž předstaji mj.dr. přewšo naročnu monooperu Love songi mytowaneje Anny Sokolović. Prawidłownje dźěła wona hromadźe z Antonom Podbevšekom dźiwadłom, gitaristku Evu Hren, studijom XXV a choreografku Mašu Kagao Knez, z kotrejuž wustupami bě tež na Mjezynarodnym rejowanskim festiwalu w Burkina Faso z hosćom. W sezonje 2024 / 2025 debutowaše jako dźiwadźelnica při Narodnym dźiwadle SNG Drama w Ljubljanje w hrě Roberta Iki "Ärtzin" inscenowana wot Měrćina Kuša. Irena Yebuah Tiran podawa spěwanje na hudźbnej šuli w Novym Mestje, hdźež nawjeduje tež Mjezynarodne spěwne wubědźowanje SJSM.