Jan Cyž
Komponist

Jan Cyž narodźi so 1955 we Worklecach / Worklecach, wotrosće w Časecach / Tschaschwitz (wokrjes Kamjenc) a bydli hižo dołho w Budyšinje / Bautzen. Swoje prěnje hudźbne wukubłanje dósta na hudźbnej šuli Budyšin / wotnožka Kamjenc w předmjeće trompeta. Mjez 1983 a 1987 absolwowaše eksterny studij za spěwanje na Wysokej šuli hudźby „Carl Maria von Weber“ w Drježdźanach. Paralelnje k tomu studowaše priwatnje pola Jura Mětška kompoziciju a wudospołni studije 1987 / 90 pola Drježdźanskeho komponista Wilfrieda Krätzschmara, kotruž zakónči z wotpowědnej kwalifikaciju. Wot 1973 do 2011 skutkowaše Jan Cyž jako chórowy spěwar w Serbskim ludowym ansamblu w Budyšinje, kotremuž přisłušeše hač do swojeho wuměnka w lěće 2018. 1999 dósta Spěchowanske myto Ćišinskeho. Po tym zo koncentrowaše so jeho dotalne tworjenje spočatnje bóle na polu zabawneje hudźby, hudźby za jewišćo a tež folkloru orientowane kom- ponowanje (z přinoškami wosebje na wuměłski profil Serbskeho ludoweho ansambla poćahowachu), nastawachu wot něhdźe srjedź 1980tych lět přiběrajcy tež twórby awancierneje hudźby.