Hanka Rjelka
Schauspieler

Jeje prěnje kroki jako dźiwadźelnica kročeše Hanka Rjelcyna hišće pod jeje holčim mjenom Hanka Markec w młodźinskim dźiwadle a w dorostowym studiju při NSLDź. Hižo za čas jeje studija wobdźěli so na njemało nahrawanjach hornjo- a delnjoserbskeho rozhłosa. Po studiju nastupi w lěće 2009 angažement při dźiwadle “nowe jewišćo” w Złym Komorowje. Tam dźěłaše z wjele wšelakimi režiserami, mjez druhim z intendantomaj Sewanom Latchinianom a Manuelom Soubeyrandom kaž tež z režiserku Johanna Schall a režiserom Winfriedom Schneiderom. Wosebje napadny jeje spěwny talent w rolach kaž Elisa Doolittle abo Lola Blau. Runočasnje skutkowaše tež jako hósć při statnym dźiwadle w Drježdźanach, w Bad Hersfeldźe a při Serbskim ludowym ansamblu. Tež w słuchohrach, hudźbnych a telewizijnych produkcijach redakcijow MDR a RBB je Hanka Rjelcyna tež hač do dźensnišeho widźeć a słyšeć. Wot lěta 2020 je Hanka Rjelcyna zamołwita za naležnosće Serbow w braniborskim wokrjesu Hornje Błóta-Łužica.