Zhora Sargsyan
klawěr

Zhora Sargsyan je mytowany pianist, kotryž doby 2019 3. myto na renoměrowanym wubědźowanju Long-Thibaud w Parisu. Wosebje znaty bu jeho wustup z klawěrnym koncertom Rachmaninoffa čo. 1 pola Orchestre National de France. Jeho repertoire saha wot baroka hač k modernej klasice, z ćežišćemi na twórbach Bacha, Brahmsa, Beethovena, Rachmaninoffa a Bouleza.

Sargsyan wustupi na wuznamnych koncertnych žurlach kaž Concertouw Amsterdam, koncertnym domje Berlin a Salle Cortot w Parisu a bě hósć na festiwalach kaž Mecklenburgsko-Předpomorskim festiwalu a Young Euro Classics w Berlinje. W Južnej Koreji a Chinje podawaše wón koncerty a mišterske kursy, wosebje k 150. Narodniny Rachmaninoffa.

Wón hraješe z orchestrami kaž Orchestre National de France, Mnichowskim komornym orchestrom a Armenskim filharmoniskim orchestrom a dźěłaše ze znatymi dirigentami kaž Stevenom Sloane a Sergeyjom Smbatyanom hromadźe. Jako komorny hudźbnik je prawidłownje we wšelakich wobsadkach aktiwny a je z wuměłcami kaž Tobiasom Feldmannom a Franzisku Hölscherowej hudźił.

Sargsyan studowaše na UdK Berlin pola prof. Klausa Hellwiga a na Wysokej šuli za hudźbu Komitas w Yerevanje pola prof. Vagharshaka Harutyunyana. Wón prawidłownje wuwučuje a je aktiwny podpěraćel młodych hudźbnikow přez projekty kaž "komorny zwuk" w Armenskej a Georgiskej.